自小一加入天虹大家庭至今差不多有年半時間，期間發生過不少難忘嘅片段，包括超強颱風山竹襲港，見到教師團隊為著學生能夠有安全同暢順嘅學校環境，不惜犧牲私人時間，身體力行咁冒著天氣還是不穩定回校清理雜物及審視校舍狀況。亦曾經因蚊患嚴重，進行深度清潔及加強衛生清潔安排。今年社會運動亦見團隊即時反應，甚至比教育局更早己經因應市況宣布停課，以減少對學生及家長嘅安全影響。 每一件事件，不論大小，都能看得出教師團隊及管理層對學生嘅關愛，以學生最大利益作為首要考慮，呢份用心用愛處處去為學生著想。不但令學生能夠有良好學習環境，亦令家長安心，而更重要嘅係學校以正面思考及行動，以身作則咁為學生作為榜樣，雖然小朋友未必馬上領略到，但日子累積之下，一點一滴就令小朋友朝向信望愛真善美成長。
羅舜軒家長
